خلينا نستفيد من بعض

وبيني وبينكم الكتابه تريح النفس احيانا..

.

.

.

.


كل واحد فينا اكيد صار له موقف محرج او موقف بايخ او او..الخ


المهم ان الموقف هذا ضايقنا كثير..


واحيانا في بعض المواقف يتمنى الواحد انه يقدر يعيد الشريط ويحذف السيناريو البايخ اللي حصل..


صح ولا لا..


كلنا صار لنا كذا.. (وباالاخص الناس اللي عندهم الحساسيه زايده شوي)


ولما الواحد يجي ينام يبدأ يحاسب نفسه كأنه حاقد عليها..


وياليتني ماسويت كذا..


وياليت الارض انشقت وبلعتني..


ياالله.... ايش اسوي بكره مع الشخص الفلاني..


انا متاكد انه فهم خطأ...
و و و و و و و و و و و و و و و الخ..


وياااااااااااااثقل التفكير قبل النوم......


(عند بعض الناس.. لان بعض الناس نومه في يده اول مايبغى


ينام...ينام على طول..ماشاء الله عليهم)








المهم...


لازم نعرف نقطه مهمه..


انه لولا اخطاءنا ماتعلمنا..


والمواقف اللي تضايقنا..نتعلم منها اكثر بدون حتى ماندري..


لاانها تحفز فينا التفكير وتخلينا نفكر في افضل التصرفات..


والعقل الباطن راح يبرمج تصرفاتك في المواقف الجايه والمشابهه للافضل..










وفيه حاجه حلوه استفدتها من الغربيين.. عن جد


وخاصه من الافلام (ياليتنا ناخذ منهم الاشياء اللي تفيدنا بس)


اللي هيه (it is a bad day)


يعني اليوم هذا يوم سيء..لااكثر ولا اقل....


وبكره راح يكون احلى من اليوم..










وكل واحد منا لازم يعرف شي واحد...


انه(هذا انا)


مهما حصل (هذا انا)


بحلوي وبمري (هذا انا)


كل يوم اتعلم حاجه جديده..


وكل يوم اكون احسن من اول..


كل تصرفاتي تكون بعفويه تامه بدون اصطناع..


نابعه من شخصيتي اللي تختلف عن الكل..


واللي يقدرني لشخصي راح يستحملني وراح يعاتبني بحب ويبقى معايه..


راح يقدرني في كل وقت...


في لحظات الفرح...وفي لحظات الزعل..







وبصراحه متناهيه..


المواقف في الحياه تعتبر مقياس للصداقات..


وراح تبين لك معادن اللي حولك..


ولاراح يبقى حولك في الاخير الا الذهب الصافي....

يسلمووووووو على الموضوع الرائع
تقبلي مروري
مراد